My Blog

Saleuëm

Seunusôn Uleh: Yuko Agi
Teupasoe Bak: 05 August, 2004

Salamu`alaikom warahmatullah
Jaroe dua blah ateueh jeumala
Jaroe lon siploh di ateueh ulee
Meu’ah lon lakee bak kaom dumna
Jaroe lon siploh di ateueh ubon
Salamu`alaikom lon teugor sapa

Jaroe lon siploh beu-ot sikureueng
Syarat ulon kheun tanda mulia

Jaroe sikureueng lon beu-out lapan
Genanto timphan ngon asoekaya
Jaroe lon lapan lon beuout tujoh
Ranub lam bungkoh lon jok keu gata

Salamu`alaikum warahmatullah
Jaroe dua blah ateueh jeumala
Jaroe lon siploh di ateueh ulee
Meu’ah lon lakee bak kaom dumna
Jaroe lon siploh di ateueh ubon
salamu`alaikum lon teugor sapa.

Dodaidi

Seunusôn Uleh: Krueng
Teupasoe Bak: 6 January, 2005

Allahai do dodaidi
Boh gadong bi boh kayee uteuen
Rayek sinyak hana peue ma bri
Ayeb ngon keuji ureueng donya kheun

Allahai do dodaidang
Seulayang blang ka putoh taloe
Beurijang rayek muda seudang
Tajak bantu prang tabila nanggroe

Wahe aneuk bek taduek le
Beudoh sare tabila bansa
Bek tatakot keu darah ile
Adakpih mate poma ka rela

Jak lon tateh, meujak lon tateh
Beudoh hai aneuk tajak u Acheh
Meubee bak on ka meubee timphan
Meubee badan bak sinyak Acheh

Allahai Po Ilahon hak
Gampong jarak hantroh lon woe
Adak na bulee ulon teureubang
Mangat rijang trok u naggroe

Allahai jak lon timang preuek
Sayang riyeuek disipreuek pante
‘oh rayek sinyak nyang puteh meupreuek
Teh sinaleuek gata boh hate.

Aneuk Yatim

Seunusôn Uleh: Krueng
Teupasoe Bak: 18 March, 2005

Penggubah / Penyanyi : Rafly (Kande)

Deungo lon kisah saboh riwayat
Kisah baro that…baro that di Acheh Raya
Lam karu Acheh..Acheh Timu ngon Barat ngon Barat
Di saboh teumpat…teumpat meunoe calitra

Na sidroe aneuk jimoe siat at
Lam jiep jiep saat saat dua ngon poma
Ditanyong bak ma bak ma ayah jinoe pat..jinoe pat?
Dilon rindu that…rindu that
keuneuk eu rupa

Meunyo mantong hudep meupat alamat
Ulon jak seutot ..jak seutot oh watee raya
Meunyo ka meuninggai..meuninggai
Meupat keuh jeurat ..oh jeurat
Lon keuneuk jak siat …jak siat loun baca do’a

Udep di poma oh tan le Ayah
Lon jak tueng upah tueng upah
Lon bri bu gata
Ka naseb tanyo geutanyo Kehendak bak Allah..bak Allah
Adak pih susah… susah tetap loun saba

Seubut le poma…aneuk meutuah
Keheundak bak Allah..bak Allah geutanyoe saba
Bek putoh asa ..hai asa cobaan Allah..Ya Allah
Saba ngon tabah ..ngon tabah dudoe bahgia..

Talakee do`a ..taniet bak Allah
Ubee musibah..musibah bek lee trok teuka
Acheh beu aman..beu aman bek lee ro darah..ro darah
Seuramoe Meukah..Meukah beu kong agama.