Hikayat Prang Sabil
HIKAYAT PRANG SABIL
Subhanallah wahdahu wabiham dihi.
Khalikul bahri wallaili A´zawajalla.
Ulon pujopo sidro po syukur keurabi yaaini..
Keu kamoe neubri beusuci Aceh mulia.
Tajak prang musoh beureutoh dum sitre nabi.
Yang meu ungki keurabbi keu po yang esa.
Meusoe han tem prang cit malang celaka tuboh rugo roh.
Syuruga tanroh rugo roh bala neuraka.
Meuso yang tem prang cit meunang meutuah tubuh.
Syuruga lusoh yang thatroh geubri ku gata.
Lindung gata seugala yang mujahidin mursalin.
Tip-tip mukim iklim Aceh Sumatra.
Yang meubah gia seujahtra syahit dalam prang.
Allah neu pulang dendayang budiadari.
Hoka siwa sirawa syahid dalam prang dan meunang.
Dipeurap reujang bakcut bang salem lee geubri.
Salam alaikom-alaikom tengku meu tuah
Katrok neu langkah ya Allah keno bak kamo.
Amanah Nabi lah nabi hana neu ubah neu ubah.
Syuruga indah ya Allah pahla prang sabi.
Ureung bino lah bino geumomeu kiaam.
Aneu jak lam prang peutimang amanah Nabi.
Meubeek ta takot tasurot aneuk seunapan bangsawan.
Aneuk meriam ya Allah atra sipaie.
Ureung yang syahid lah syahid beek ta keun mate.
Beuthat beuthanlee ya Allah nyawong lam badan.
Ban sare keunong lah keunong senjata kape lah kape.
Keu nan teuka lee ya Allah peumada seudang
Budiadari meuriti didong dipandang.
Dipreh cut abang jak meucang dalam prang sabi.
Hoka judo rakan eoe syahit dalam prang dan senang.
Dipeurap reujang peutamong syuruga tinggi.
Dimat kipah lah kipah saboh bak jaro.
Dipreh jodowo ya Allah dalam prang sabi.
Geucok disinan disinan geuba u-dalam u-dalam.
Dipeuduk sajan ya Allah ateuh ku rusi.
Ngon ija puteh lah puteh geu sampoh darah lah darah.
Ngon ija mirah lah mirah geusampoh gaki.
Rupa geuh puteh lah puteh sang-sang buleun trang diawan.
Wate tapandang ya Allah seunang lam hate
Darah yang hanyie lah hanyie gadeoh di badan.
Geu boh lee tuhan ya Allah deungon kasturi.
Dikamo Aceh lah Aceh darah peujuang-peujuang.
Neubri beureujang ya Allah Aceh Mulia
